<AI1>

1      Cyflwyniad

 

Croesawyd Kate Innes i’w chyfarfod Comisiwn cyntaf fel y Prif Swyddog Cyllid.

 

</AI1>

<AI2>

1.a  Cyflwyniad ac ymddiheuriadau

 

Ni chafwyd unrhyw ymddiheuriadau.

 

</AI2>

<AI3>

1.b  Datgan buddiannau

 

Ni wnaed unrhyw ddatganiadau o fuddiant.

 

</AI3>

<AI4>

1.c   Cofnodion y cyfarfod blaenorol

 

Cytunwyd ar gofnodion cyfarfod 22 Mai.

 

</AI4>

<AI5>

2      Adroddiad Blynyddol a Chyfrifon y Comisiwn 2022-23

 

Trafododd y Comisiynwyr eu hadroddiad blynyddol a’u cyfrifon ar gyfer y cyfnod o 1 Ebrill 2022 i 31 Mawrth 2023. Cawsant sicrwydd bod y Pwyllgor Archwilio a Sicrwydd Risg wedi argymell cymeradwyo’r adroddiad, a chytunwyd ar y fersiwn derfynol i'w chyhoeddi, yn amodol ar unrhyw fân gywiriadau neu olygiadau.

 

</AI5>

<AI6>

3      Adroddiad Blynyddol ar Gynaliadwyedd 2022-23

 

Cyflwynodd y Comisiynydd gyda’r portffolio datblygu cynaliadwy yr adroddiad ar berfformiad cynaliadwyedd ystâd y Senedd a gweithrediadau dros y flwyddyn ddiwethaf.

Roedd yr adroddiad yn amlygu cyflawniadau amgylcheddol allweddol, perfformiad yn erbyn targedau gan gynnwys ail flwyddyn y Strategaeth Carbon Niwtral, y defnydd o gyfleustodau, a chrynodeb o’r gwelliannau arfaethedig ar gyfer y flwyddyn ariannol sydd i ddod. 

Trafododd y Comisiynwyr fesurau arbed ynni ac awgrymwyd y gallai fod yn ddefnyddiol casglu data ychwanegol mewn perthynas â theithio mewn cerbydau trydan.

Cytunodd y Comisiynwyr i gyhoeddi'r adroddiad yn amodol ar unrhyw fân gywiriadau neu olygiadau, ac i ddarparu'r adroddiad i'r Pwyllgor Cyllid yn unol â’i argymhelliad sy’n ymwneud â gwybodaeth am arbed ynni.

 

</AI6>

<AI7>

4      Adroddiad Blynyddol y Cynllun Ieithoedd Swyddogol 2022-23

 

Cyflwynodd y Comisiynydd gyda'r portffolio Ieithoedd Swyddogol yr adroddiad ar y gwaith a wnaed ar draws y sefydliad i alluogi'r Comisiwn i gynnal ei ymrwymiad i ddarparu gwasanaethau dwyieithog rhagorol, gan gynnwys cymeradwyo a gweithredu'r Cynllun Ieithoedd Swyddogol ar gyfer y Chweched Senedd.

Cytunodd y Comisiynwyr ar yr adroddiad gan nodi y byddai dadl yn y Cyfarfod Llawn yn cael ei threfnu cyn diwedd y tymor.

 

 

 

 

 

</AI7>

<AI8>

5      Adroddiad Blynyddol Amrywiaeth a Chynhwysiant 2022-23

 

Cyflwynodd y Comisiynydd gyda’r portffolio Cydraddoldebau yr Adroddiad Blynyddol Amrywiaeth a Chynhwysiant ar gyfer 2022-23, a oedd yn adrodd ar gynnydd a wneir gan dimau ar draws Comisiwn y Senedd o ran cyflawni’r amcanion sydd wedi’u nodi yn Strategaeth Amrywiaeth a Chynhwysiant y Comisiwn (2022-26).

Nododd y Comisiynwyr y penawdau o ddiddordeb ac eitemau newydd yn adroddiad eleni gyda'r bwriad o gynyddu tryloywder data a gwella hygyrchedd. Trafodwyd y data economaidd-gymdeithasol a lledaeniad daearyddol yr ymateb i recriwtio i swyddi’r Comisiwn.

Cytunodd y Comisiynwyr ar yr adroddiad i'w gyhoeddi, ynghyd â'r gyfres gysylltiedig o adroddiadau data Amrywiaeth a Chynhwysiant a fyddai'n cyflawni dyletswyddau'r sector cyhoeddus a nodir yn Neddf Cydraddoldeb 2010.

Cytunodd y Comisiynwyr hefyd ar y cynnig i adnewyddu aelodaeth y Comisiwn o Raglen Hyrwyddwyr Amrywiaeth Stonewall ar gyfer 2024/25.   

 

</AI8>

<AI9>

6      Adroddiad Adolygu Urddas a Pharch

 

Trafododd y Comisiynwyr ganfyddiadau ac argymhellion yr adroddiad ar ganlyniad yr adolygiad urddas a pharch.

Clywodd y Comisiynwyr am gynlluniau rhai grwpiau i orfodi cyfranogiad mewn hyfforddiant urddas a pharch a chytunwyd ar werth eirioli bod yr hyfforddiant a gynigir gan y Comisiwn yn cael ei gymryd gan yr holl Aelodau a'u staff yn ddieithriad.

Awgrymwyd y dylid ystyried urddas a pharch wrth i staff ryngweithio ar ddechrau ac ar ddiwedd eu cyflogaeth. Trafodwyd hefyd bwysigrwydd darparu gwybodaeth am y gwasanaethau cymorth sydd ar gael i bawb y mae materion sy'n gysylltiedig ag urddas a pharch yn effeithio arno, ac amlygwyd ei bod wedi bod yn ddefnyddiol pan oedd gwybodaeth yn cael ei harddangos yn gorfforol ar yr ystâd.

Cytunodd y Comisiynwyr ar yr adroddiad, ei wyth argymhelliad a'r camau nesaf; yn benodol:

·         ailddatgan eu hymrwymiad i gefnogi a datblygu diwylliant o urddas a pharch ar draws y Senedd;

·         gwahodd Pwyllgor Safonau Ymddygiad y Senedd i ystyried canfyddiadau'r adolygiad, gan gynnwys y dylai'r Senedd roi Datganiad trosfwaol ar y cyd ar Urddas a Pharch yn lle’r polisi tair rhan presennol;

·         cytuno ar ddatganiad trosfwaol drafft ar y cyd i'w ystyried gan y Pwyllgor Safonau;

·         camau i'w cymryd o fewn y Comisiwn ynghyd â chyfrifoldebau clir am arweinyddiaeth a gweithgareddau; ac

·         eirioli ymhlith eu grwpiau, a’r Aelodau annibynnol, fod yr hyfforddiant urddas a pharch a gynigir gan y Comisiwn yn cael ei gymryd gan yr holl Aelodau a'u staff yn ddieithriad.

Cytunodd y Comisiynwyr y byddai'r adroddiad yn cael ei rannu gyda'r Pwyllgor Safonau Ymddygiad, a fyddai'n cyhoeddi'r adroddiad fel rhan o'i waith ar y mater hwn, y Comisiynydd Safonau, y Bwrdd Taliadau a'r Grŵp Cyswllt Gwleidyddol.

 

</AI9>

<AI10>

7      Papurau i'w nodi:

 

</AI10>

<AI11>

7.a  Diweddariad Ffyrdd o Weithio

 

Nododd y Comisiynwyr y diweddariad am gyfeiriad a chynnydd eu rhaglen newid mawr 'Ffyrdd o Weithio', wrth i'r gwaith symud y tu hwnt i gyfnod y Cynllun Gweithredu Cychwynnol i'w gyfnod cyflawni strategol.

 

</AI11>

<AI12>

7.b  Canlyniadau’r Arolwg Staff Blynyddol

 

Nododd y Comisiynwyr yr adroddiad ar Arolwg Staff Blynyddol Comisiwn y Senedd ar gyfer y flwyddyn 2022/23.

 

</AI12>

<AI13>

7.c   Cofnodion y Pwyllgor Archwilio a Sicrwydd Risg 27 Ebrill

 

Nododd y Comisiynwyr y diweddariad a ddarperir fel mater o drefn i'r Comisiwn am gyfarfodydd y Pwyllgor Archwilio a Sicrwydd Risg.

 

</AI13>

<AI14>

7.d  Diweddariad y Bwrdd Gweithredol (penderfyniadau awdurdodi recriwtio)

 

Nododd y Comisiynwyr y crynodeb o benderfyniadau recriwtio a ddarperir fel mater o drefn i bob cyfarfod o'r Comisiwn.

 

</AI14>

<AI15>

8      Unrhyw fater arall

 

Diwygio'r Senedd – cafodd y Comisiynwyr wybod bod disgwyl i Lywodraeth Cymru wneud cais i addasu'r rhagdybiaethau ar gyfer amcangyfrifon costau Comisiwn y Senedd yn sgil Bil Diwygio'r Senedd sydd yn yr arfaeth. Byddai gwybodaeth yn cael ei darparu i gyfarfod y Comisiwn ym mis Gorffennaf.

 

Llythyr gan PCS - cafodd y Comisiynwyr wybod am lythyr gan Gangen y PCS yng Nghomisiwn y Senedd.

 

Newid Comisiynydd – diolchodd Rhun ap Iorwerth i bawb a oedd wedi gweithio gydag ef a'i gefnogi yn ystod ei gyfnod fel Comisiynydd, cyn iddo ymddiswyddo.

 

</AI15>

<TRAILER_SECTION>

</TRAILER_SECTION>

<LAYOUT_SECTION>

1.  FIELD_TITLE

 

FIELD_SUMMARY

 

</LAYOUT_SECTION>

<TITLE_ONLY_LAYOUT_SECTION>

2.  FIELD_TITLE

 

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

 

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

 

FIELD_SUMMARY

</ TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

 

</ COMMENT_LAYOUT_SECTION>

 

<SUBNUMBER_LAYOUT_SECTION>

2(i)          FIELD_TITLE

 

FIELD_SUMMARY

 

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2(ii)          FIELD_TITLE

 

</TITLE_ONLY_SUBNUMBER_LAYOUT_SECTION>